هما بيسرقوا إزاي ... و نصبوا عليك إزاي ... لازم تقرأ البوست للآخر بعد إذنك ... و محتاجين دعائكم في الايام المفترجه دي علي الظالمين
بسرعه كده مثال عشان نفهم ...
هتشوف بوست منشور بيقول محتاجين سراير و منظفات و أدويه و أجهزه كهربائيه و حاجات تانيه كثير (مثلاً)
إيه اللي هيحصل، هتلاقي في اللحظه دي ظهر أنواع متبرعين مختلفه و كلهم للأسف اتنصب عليهم :
١١- متبرع أول هيروح بنفسه يشتري السراير و يوديها للدار عشان يضمن ان الخير وصل لمستحقه و يا سلام لو و هو بيسلم السرير للدار سلمهم فاتورة الشراء كمان (شكراً).
٢- متبرع ثاني هيروح يدفع فلوس للدار عشان يشتروا السراير (برضو).
٣٣- متبرع ثالث بقي واثق في أصحابه بتوع الدار ما هو صديق رئيس مجلس الإداره شخصياً راح مكلمه و دافع ثمن السراير من غير إيصال، ما هو أصل الراجل ثقه (برضو).
٤٤- متبرع رابع بقي قاعد في السعوديه او الكويت او في محافظه بعيده و قرر يتبرع ... هيعمل حواله علي البنك لشراء السرير اللي عمره ما هيشوفوا (برضو).
١١- متبرع أول هيروح بنفسه يشتري السراير و يوديها للدار عشان يضمن ان الخير وصل لمستحقه و يا سلام لو و هو بيسلم السرير للدار سلمهم فاتورة الشراء كمان (شكراً).
٢- متبرع ثاني هيروح يدفع فلوس للدار عشان يشتروا السراير (برضو).
٣٣- متبرع ثالث بقي واثق في أصحابه بتوع الدار ما هو صديق رئيس مجلس الإداره شخصياً راح مكلمه و دافع ثمن السراير من غير إيصال، ما هو أصل الراجل ثقه (برضو).
٤٤- متبرع رابع بقي قاعد في السعوديه او الكويت او في محافظه بعيده و قرر يتبرع ... هيعمل حواله علي البنك لشراء السرير اللي عمره ما هيشوفوا (برضو).
إيه اللي هيحصل بعد كده ... ببساطه السرير وصل الدار الحمد لله ... و المتبرع رقم (١) الحمد لله مطمأن إن فلوسه بأمان، و المتبرع رقم (٢) لما هيسأل عن فلوسه هيشاوروا له علي السرير اللي المتبرع رقم (١) جابه و يقولوا له شكرا لحضرتك علي السرير، و المتبرع رقم (٣) هنبعتله صوره السرير اللي جابه المتبرع رقم (١) و نقوله الله يباركلك، و المتبرع رقم (٤) مشافش حاجه غير الإيصال بتاع التحويل يا عيني ... بس لو نشروا صوره السرير في إعلان علي صفحتهم هيفتكر ان هو اللي جابه برضو.
فلوس المتبرع رقم (٢، ٣، ٤) كلها هتروح في جيب النصابين أصحاب الدار ... إزاي؟
لما الوزاره هتروح تفتش ... هيطلعوا الفاتوره اللي اخدوها من المتبرع رقم (١) او زوروا فاتوره زيها و يسلموها للوزاره علي إنها فاتوره الشراء بتاعتهم و كأنهم هما اللي اشتروها بنفسهم ... و بكده يخصموا قيمه السرير من التبرعات اللي في البنك او الخزنه و يحطوا الفلوس دي في جيوبهم ... ببساطه !
طيب ولو جالنا أكثر من سرير ... ساعتها النصابين لازم تعمل أكثر من فرع ... عشان لما حد يسأل علي حاجته اللي مش موجوده يقولوا له هتلاقيها في الفرع الثاني ... و لو مش في الثاني تبقي في الفرع الثالث ... و يا جمال و حلاوة فلوس تأسيس فرع جديد ... اسمنت و رمله و دهانات و شبابيك و ابواب ... كل حاجه من دي هيدفع ثمنها ١٠٠٠ واحد و الحقيقه ان واحد بس اللي فلوسه إشترت الاسمنت و الرمله و الدهانات و المطبخ و الحمام و الباقي للأسف سرقه النصابين اللي الناس فاهمه انهم ملايكه !
تخيلوا بيطلبوا أدويه من الغاليه من المتبرعين، عشان يبيعوها للصيدليات بعد كده ... وقدام التضامن هيقولوا النزلاء اخدوا الادويه !
و حتي الأكل ... بيتم بيعه لمحلات سوبر ماركت ... و يحطوا فلوسه في جيوبهم، ولما التضامن هتسأل، بيقولوا لهم النزلاء أكلوا الأكل كله و مش محرومين من حاجه !!
إكتشفنا إنهم بيبيعوا جزء حتي من الهدوم اللي بتروح تبرع للنزلاء ... لمحلات الهدوم المستعمله في وسط البلد
المثال ده حقيقي ... و للأسف إتعمل في السرير و البوتجاز و الثلاجه و الإيجار و تكاليف الحديقه و مستلزمات المطبخ و مرتبات الموظفين و كل حاجه من حواليك في الدار.
الظاهر للناس انهم ملائكه، و هما شياطين بيألكوا مال اليتيم، و المسكين، و الفقير ... شوية نصابين متسولين و الناس افتكروهم بينقذوا إنسان.
و أخيراً .. فلوسكم دي بقي سافر بيها النصابين و الحراميه ماليزيا و دبي و باريس و انجلترا ... و إشتروا شقق و عربيات بعد ما كانوا محتاجين الصدقه و عايشين علي الشحاته.
شير عشان الناس تبطل تتبرع بدون حساب، شير عشان الناس اللي بترمي فلوسها في الأرض، شير عشان النصاب يفهم اننا عرفنا حقيقته، شير عشان المتبرعين في كل حته تأخد حذرها، شير عشان الخير يصل لمستحقه.
بس عن قريب هنحبسهم هما و كل اللي زيهم ... لإن المتبرع رقم (١ و ٢ و ٣ و ٤) الحمد لله إتقابلوا صدفه ... و إكتشفوا انهم اتنصب عليهم و ربنا سبحانه و تعالي مش بيقبل بالظلم و لا أكل مال الفقراء و اليتامي ... إدعوا ربنا يكون إنتقامه قريب.
ليست هناك تعليقات:
إرسال تعليق